1829 ൽ സ്ഥാപിതമായ, ഇന്ത്യയിലെ തന്നെ ഏറ്റവും പഴയ ലൈബ്രറികളിലൊന്നാണ് സ്റ്റേറ്റ് സെൻട്രൽ ലൈബ്രറി.ഇംഗ്ലീഷ്, മലയാളം, ഹിന്ദി, തമിഴ്, സംസ്കൃതം എന്നിങ്ങനെ വിവിധ ഭാഷകളിലായി അഞ്ച് ലക്ഷത്തിലേറെ പുസ്തകങ്ങളുള്ള ഈ ലൈബ്രറി ആദ്യ കാഴ്ച്ചയിൽ തന്നെ എന്നെ അത്ഭുതപ്പെടുത്തി. IAS, IPS തുടങ്ങിയ വലിയ പദവികളിൽ എത്തിയവർ മുതൽ ചെറിയ കുട്ടികൾ വരെയുള്ള, സമൂഹത്തിലെ വ്യത്യസ്ത മേഖലകളിലുള്ളവർ അറിവ് തേടിയെത്തുന്ന ഈയൊരു ഇടം മികച്ച ഒരു അനുഭൂതിയാണ് വിദ്യാർത്ഥികൾക്കും മറ്റു വായനക്കാർക്കും സമ്മാനിക്കുന്നത്.

സർക്കാർ ഗസറ്റുകൾ Digitize ചെയ്ത് ഗസറ്റ് ഓൺലൈൻ എന്ന സംവിധാനം സ്റ്റേറ്റ് സെൻട്രൽ ലൈബ്രറിയുടെ വലിയൊരു പ്രോജക്ടാണ്. ഇന്ത്യയിലെ മറ്റൊരു സംസ്ഥാനവും പ്രദേശിക ഭാഷയിൽ ഇതു പോലെ ഒരു സംവിധാനം ഗസറ്റുകൾക്കായി ഒരുക്കിയിട്ടില്ല എന്നതും ശ്രദ്ധേയമാണ്.

ബ്രിട്ടീഷ് ലൈബ്രറി ശേഖരം, കേരള ഗസറ്റ് വിഭാഗം, കുട്ടികളുടെ വിഭാഗം, കാഴ്ച്ചയില്ലാത്തവർക്ക് ബ്രെയിലി വിഭാഗം എന്നിങ്ങനെ വ്യത്യസ്തമായ ലൈബ്രറി സേവനങ്ങൾ എന്നെ വളരെയധികം ആകർഷിച്ചു. 18 -ാം നൂറ്റാണ്ട് മുതലുള്ള വളരെ വിലയേറിയതും അപൂർവവുമായ പുസ്തകങ്ങൾ നേരിട്ട് കാണാൻ സാധിച്ചതും നല്ലൊരു അനുഭവമായിരുന്നു.
ഒട്ടേറെ സിനിമകളിൽ ഷൂട്ടിങ്ങ് ലൊക്കേഷനായും സ്റ്റേറ്റ് സെൻട്രൽ ലൈബ്രറി മാറിയിട്ടുണ്ട് എന്നതും മറ്റൊരു പ്രത്യേകത കൂടിയാണ്.

2019 ആഗസ്റ്റ് 1-2 തിയ്യതികളിൽ സെൻട്രൽ യൂണിവേഴ്സിറ്റി ഓഫ് തമിഴ്നാട് (CUTN) ഒരു ദേശീയ കോൺഫറൻസിൽ പേപ്പർ അവതരണത്തിനായി എത്തിയതായിരുന്നു ഞാനും സുഹൃത്ത് നയീമും. കോൺഫറൻസ് നടക്കുന്നതിന്റെ അന്ന് രാവിലെ എത്തിചേരുന്നതിന്റെ ബുദ്ധിമുട്ടുകൾ ഒഴിവാക്കാനായി ഞങ്ങൾ തലേ ദിവസം തന്നെ എത്തി ചേർന്നിരുന്നു. രാത്രി ഭക്ഷണം കഴിഞ്ഞ് ഞങ്ങൾ കുറച്ചു നേരം നടക്കാൻ തീരുമാനിച്ചു.

സെക്യൂരിറ്റിയുടെ അനുവാദം വാങ്ങി ഞങ്ങൾ ക്യാപസിനു പുറത്തുള്ള റോഡിലൂടെ നടക്കുകയായിരുന്നു. കുറച്ചു നേരം നടന്ന് കഴിഞ്ഞപ്പോഴാണ് കേരളത്തിൽ നിന്നും വന്നതിന്റെ യാത്ര ക്ഷീണം ഞങ്ങളെ വല്ലാതെ അലട്ടിയത്. സമയം രാത്രി 8 മണി. ജീവിതത്തിൽ ആദ്യമായി എത്തപ്പെട്ട, വിജനമായ ആ സ്ഥലത്ത് വച്ച് ഒരു ചൂട് ചായ ആഗ്രഹിക്കുന്നത് പോലും അതിമോഹമായിരുന്നു. എന്നാലും ഒരു ചെറിയ ചായ കടയെങ്കിലും കാണും എന്ന പ്രതീക്ഷയോടെ ഞങ്ങൾ മുന്നോട്ടു നടന്നു.

പ്രായമുള്ള അമ്മ മാത്രമായിരുന്നു വീട്ടിൽ ഉണ്ടായിരുന്നത്. നിങ്ങൾ ഇരിക്ക് ഞാൻ ചായ എടുത്തിട്ട് വരാം എന്ന് പറഞ്ഞു കൊണ്ട് ആ അമ്മ അകത്തേക്കു പോയി. ഓടിട്ട, ചെറിയൊരു വീടായിരുന്നു അത്.അവർക്ക് ഒരു അസൗകര്യം അയല്ലോ എന്ന് കരുതിയപ്പോൾ ഞങ്ങൾക്ക് വിഷമമായി. മാത്രമല്ല ഇത്തരത്തിൽ ഒരു അനുഭവം ഞങ്ങൾ ഒട്ടും പ്രതീക്ഷിച്ചതും അല്ല. ചൂട് പാൽ ചായയുമായി അമ്മ വന്നു. വിശേഷങ്ങൾ ചോദിച്ചു. അറിയാവുന്ന തമിഴിൽ ഞങ്ങൾ മറുപടി നൽകി. പിന്നെ ഞങ്ങളെ യാത്രയാക്കി.

ഈ ഒരു അനുഭവത്തിന് മുൻപും ശേഷവും ഒരുപാട് ചായകൾ കുടിച്ചിട്ടുണ്ട്. എന്നാലും ആ അമ്മ തന്ന ചായയുടെ രുചി ഇന്നും മനസ്സിൽ ഉണ്ട്. കാരണം അടുത്ത ദിവസം രാവിലെ ഉപയോഗിക്കാനുള്ള പാൽ എടുത്തായിരിക്കും ഒരു പക്ഷേ അതിഥികളായ, ജീവിതത്തിൽ ആദ്യമായി കണ്ടുമുട്ടിയ ഞങ്ങൾക്ക് വേണ്ടി അവർ ചായ ഉണ്ടാക്കി തന്നത്. രണ്ട് വർഷങ്ങൾ കഴിഞ്ഞിട്ടും ഒരു ചായ കുടിച്ചത് ഞാൻ ഓർക്കുന്നുണ്ടെങ്കിൽ ആ അനുഭവത്തിന്റെ സ്വാധീനം വളരെ വലുതാണ്. ഇത്തരം അനുഭവങ്ങളാണ് യാത്രകളെ മനോഹരമാക്കുന്നത്.

എ സി ക്ലാസ്സിലും സ്ലീപ്പർ ക്ലാസ്സിലും യാത്രകൾ ചെയ്‌തിട്ടുണ്ട്. എങ്കിലും സെക്കൻഡ് ക്ലാസ്സിലെ യാത്രകൾ കുറെ കൂടി പ്രിയപ്പെട്ടവ ആണ്. പല യാത്രകളും തുടങ്ങുമ്പോൾ ഒറ്റക്കായിരിക്കും. എന്നാൽ അവസാനിക്കുമ്പോഴേക്കും കുറെ സൗഹൃദങ്ങൾ രൂപപ്പെട്ടിട്ടുണ്ടാകും.